Azercell-də hicab bağlamaq qadağan olunub?

Dini Etiqadlar və Vicdan Azadlıqlarını Müdafiə Mərkəzinə (DEVAMM) Azercell şirkətində insan hüquqlarının pozulması barədə siqnal daxil olub. Bu barədə Day.az məlumat yayıb. Belə ki, bu təşkilatın hicab bağlayan əməkdaşlarından biri öz hüquqlarının pozulduğunu bildirib. Əməkdaş yazdığı şikayət ərizəsində qeyd edib ki, şirkətin menecerlərindən biri onunla söhbət aparıb və söhbət əsnasında ondan işə hicabsız gəlməyi tələb olunub. Əks təqdirdə isə bu onun iş həyatına çox pis təsir göstərəcəyi bildirilib. Şikayətlə bağlı olaraq DEVAMM-ın sədri İlqar İbrahimoğlu Azercell-in prezidenti Halim Ateşə məktub göndərib. Məktubda insan hüquqlarının pozulması ilə bağlı narahatlıq ifadə olunub./ANSPRESS/