Səddam Hüseynin edamının ildönümü ilə əlaqədar İraqda təhlükəsizlik tədbirləri güclənir
Minlərlə Səddam Hüseyn tərəfdarları onun məzarını ziyarət ediblər
Səddam Hüseynin edam edilməsnin ildönümü ilə əlaqədar İraqda təhlükəsizlik qüvvələri tam hazırlıq vəziyyətinə gətirilib. Minlərlə Səddam Hüseyn tərəfdarları onun doğma şəhəri olan Tikritə toplaşıblar, daha sonra isə onun məzarını ziyarət ediblər.
Ziyarətçilər arasında böyüklərlə yanaşı, uşaqlar da olub. Bu isə onu göstərir ki, Səddam Hüseynə qarşı İraq xalqı birmənalı münasibət bəsləmir. Hətta İraqda bir çox insan Səddam Hüseyni diktator hesab etsə də, İraqda xaosun başlanmasını onun ölümü və yoxluğu ilə əlaqələndirirlər.
Qeyd edək ki, Səddam Hüseyn 1980-ci ildə Dujayl şəhərində 150 müsəlman şiənin qətlində günahkar hesab edilərək keçən ilin dekabrın 30-da edam edilib. /ANS TV/
